A asociación Participacción nace en 2016 para respostar a diversas necesidades:
-
Crear un espazo autoxestionado por persoas, organizacións sociais e veciñais, co obxecto de fomentar o empoderamento e a participación activa da cidadanía en procesos de desenvolvemento comunitario.
-
Concienciar a cidadanía da necesidade de actitudes participativas e solidarias no ámbito da intervención social, educativa, cultural e comunitaria.
-
Afianzar un “xeito de facer” fundamentado na coordinación e traballo en rede con entidades sociais, administracións favorecendo o apoio ao tecido asociativo e o desenvolvemento comunitario.
-
Promover iniciativas que desenvolvan o aumento e a capacidade da cidadanía de comprometerse creando sentimento de pertenza na nosa comunidade e sendo axente de cambio na mesma.
-
Incentivar a creación de espazos comúns tanto físicos como virtuais onde xentes con inquedanzas cívicas podan participar tomando acción.
-
Dinamizar a participación comunitaria, a axuda mutua e a implicación da cidadanía na posta en marcha de iniciativas de mellora do benestar, a igualdade e a calidade de vida.
-
Motivar aos distintos niveis da Administración a incorporar enfoques e dinámicas na súa xestión de transparencia, colaboración entre os distintos axentes e participación da cidadanía na toma de decisións.
-
Apoiar e difundir a posta en marcha de iniciativas cidadás e proxectos concretos que sexan coherentes cos principios e valores nos que se basea esta asociación.
-
Promover procesos nos que as persoas sexan protagonistas da transformación das súas contornas e realidades.
-
Xerar actitudes de vida creativos emprendedores e cooperativos dende o enfoque resiliente.
-
Impulsar prácticas participativas co fin de definir propostas que sexan comúns entre os tres protagonistas clave da intervención comunitaria: a administración local, a cidadanía e os recursos técnicos e así fomentar procesos de democracia participativa.
-
Fortalecer e consolidar aos equipos de traballo mediante encontros e formacións que se poden realizar de xeito conxunto entre as/os técnicas/os do programa ou de carácter individualizado polo territorio segundo as necesidades.
-
Establecer estratexias de comunicación e difusión dos diferentes proxectos e actuacións comunitarias.
-
Incorporar a perspectiva de xénero nos proxectos de intervención social.
